شعر حفلة التكريم للفرقة الرابعة جغرافيا - العريش

سبحانك رب العزة عما يصفون وسلام على المرسلين والحمد لله رب العالمين أما بعد خير ما نستهل به من حفلنا المتواضع كلام المولى عز وجل والقرآن الكريم والزميل ” مصطفي ” .

( ما تيسر من سورة الرحمن )

صدق الله العظيم

رابعة جغرافيا عملت لك حفلة صغيرة

تعرف ليه ؟ عشان انت حتة سكرة

ناكل ونشرب ونعبر عن فكرة

و لما تروح بورسعيد تبقي لنا ذكرى

نبدأها بكلمة ولهـــــــــــــــانه

أوعى يا دكتور وهبه تنسانا

فمع كلمة الشعبة والزميلة ” مها البلك ”

معلش هبدأ كلمتى بللأسف

أيوة للأسف ومليون أسف

النهارده يوم وداع يوم ختام

يوم هتتولد فيه الآلآم

معقول خلاص هتسيبنا

هتسيب مها ومها وإسراء

وثلاثة أسماء ولا شيماء

هتفارق عايدة وسامية وتريزا ورضوي

وبسمة وغادة وأمانى ونهى وليلي

ولا هبه ونشوي ؟

وهنسألك ؟!!!.............

مش هتوحشك شقاوة الصبيان

جرير وعبد المعز وسليمان

بلاش ......

طب ومصطفى المسالم

والغلاباوية كريم وماجد وعبد المنعم ومحمد سالم

بس هقول إيه هيا كده الدنيا ديما تجرحنا

واللى هنطلبه منك انك تسامحنا

أيوة سامحنا إن كان حد يوم زعلك

وإن مسمحتوش هنعرف انه هلك

شكرا ” لمها البلك ”

مش كلنا بنعرف نقول ونشعر

بس أكيد كلنا بحبك بنشعر

والنهارده معانا واحدة حبك أجبرها

تطلع موهبتها وتفجرها

فمع شعر للدكتور وهبه من إبداع الزميلة ” نشوي ”

ربي وهب لى أجمل وهبه

قلت ده هوه دكتور وهبه

إنت هدينا فى شوارعنا

وانت قائدنا فى صحرينا

إنت شراعنا فى بحور ضلمة

تهدي الواحد وسط العتمة

رسم الخطة وسرنا عليها

لقينا الفرحة جاية علينا

عقل مفكر بردوا مدبر

فين ما يكون عارف يصبر

ده كله شياكة زوق وأناقة

فوق ده كله بردوا لباقة

قول كده كلمة وانت تلاقي عليها حديث

كله سلاسة وحديثة مش أى حديث

كلامه بينعش أى إنسان

تسمع تنصت أيوا معاه

ممكن تقعد تنسي الدنيا

وإذا اتبسم مرة معاك

تبقي فى ذهنه مش ينساك

أما ده قلبه قلب كبيــر

يساع من الخلق خلق كتيــــر

وإن مشكلة وقفت عليها

مخه مدبر يقضي عليها

أيوا بحبك حبة حب

وأحمل ليك معانى الحب

بص يابنى ده إنسان

روح فنان من غير حلفان

شكرا ” يانشوي ”

كان مرة حبيبي سألني بحبه قد إيه

اتلجم لساني معرفتش أقول ايه

وأنا شايفه دكتور وهبه زى حبيبي مشغول

يكونش شغله نفس السؤال المعلول

المرة دى مش ههرب وهدوس

على قلبي وأخلي اللى تجاوب فيروز

شكرا يا ” هبه ”

انا شايفه الناس جاعت بتقول فى ايه ؟؟

مش هناكل وله ايه ؟

بعد إزنك يا دكتور وهبه

الحقنا وافتتح البوفيـــــه

شكرا لحسن الاستماع كان معكم مقدمة البرنامج زميلتكم

” إسراء على

الله الله كويس يادكتور ان حضرتك اللى طلعت المواهب دى منهم دا انا معاهم بقالى اربع سنيين ومعرفش انهم تمام كده وعلى فكره يادكتور حضرتك سبت فى كل واحد فينا علامه كبيره نفتكرك بيها وعمرنا ما هننساك